Remata esta semana a inscrición nos campionatos da USC de karate, tenis e tenis de mesa

A USC pecha este mércores 4 a inscrición para participar nos campionatos de tenis de mesa e karate que se desenvolverán os días 6 e 7 en Santiago, respectivamente. O prazo para inscribirse no de tenis, que será o día 10, remata este xoves 5.
A estas citas deportivas, para as que a Área de Deportes mantén aberta a inscrición, seguiranlle as de Taekwondo o 14 de marzo, e en abril pesca submariña (día 3), esgrima (día 18) e judo (día 25). Todos eles disputaranse nas instalacións do Campus de Santiago excepto o de vela que se desenvolverá en Portosín e o de Remo, ambos os dous pendentes de data de celebración.
Campionatos galegos universitarios 2009O calendario de Campionatos Galegos Universitarios para 2009 traerá ás instalacións da USC a competición de Natación, o 25 de marzo, á que se suma a xa celebrada en Lugo de Circuíto ruta de 5 quilómetros.
Neste mesmo contexto, pero en modalidade de exhibición, a USC acubillará sesións de Bádminton (13 de marzo), Piragüismo (3 de abril) e Tiro con Arco (30 de maio).