Rosa Crujeiras, nova vicerreitora de Comunicación e Coordinación

A profesora do Departamento de Estatística, Análise Matemática e Optimización Rosa maría Crujeiras Casais é dende este xoves a nova vicerreitora de Comunicación e Coordinación en substitución de Xosé Pereira, que cesa no cargo a petición propia.

A nova vicerreitora, que era ata agora adxunta á mesma Vicerreitoría, obtivo o seu doutoramento en Matemáticas en xaneiro de 2007 e foi investigadora postdoutoral no Instituto de Estatística da Universidade Católica de Louvain (Bélxica).

Dende outubro de 2010 ata xuño de 2013 Crujeiras foi secretaria do Instituto de Matemáticas da USC e dende 2013 ata xaneiro de 2015 ocupou o posto de vicedecana da Facultade de Matemáticas.