Unitenda ofrece esta semana descontos do 25 por cento

Unitenda celebra esta semana, ata o 17 de novembro, a ‘Semana Especial de Outono’ na que ofrece un desconto do 25 por cento nas compras que se realicen na tenda da Praza de Praterías. Desta oferta quedarían excluídas as compras de libros e publicacións así como as de ordenadores e outro equipamento informático.
A tenda da Universidade de Santiago de Compostela, Unitenda (r/ Xelmírez, nº 2) abriu as súas portas ao público en marzo do ano 1999. Con esta iniciativa a Universidade compostelá concentra nun espazo aberto ao público volumes do seu Servizo de Publicacións, así como outros productos de merchandising, recordos e productos relacionados coa vida universitaria, sempre baixo a marca USC.