A Universidade de Santiago organiza este ano o Campionato Galego Universitario de Orientación
Será o 25 de marzo no Monte Gaiás
Seiscentos universitarias e universitarios de toda Galicia participarán nos Campionatos Galegos Universitarios de 2025, a celebrar entre febreiro e marzo, que se desenvolverán en nove especialidades deportivas nas categorías masculina, feminina e mixta.
En concreto, a Universidade de Santiago organiza e acolle o Campionato Galego de Orientación, que será o 25 de marzo no Monte Gaiás.
Os campionatos presentáronse este mércores nun acto no que participaron representantes das tres universidades galegas, entre eles Javier Rico, delegado do reitor para o Deporte, o secretario xeral para o Deporte, Josér Ramón Lete, así como membros de distintas federacións deportivas.