As universidades galegas convidan a un paseo polo Camiño de Fisterra

A comunidade universitaria de toda Galicia está convidada a participar o vindeiro sábado 4 de maio nunha camiñada que percorrerá uns 15 quilómetros do Camiño de Fisterra e rematará na cidade de Santiago. Quen desexe participar debe inscribirse antes do 29 de abril nas oficinas de deportes da USC, enviar un correo cos datos persoais a deporsec [at] usc.es (deporsec[at]usc[dot]es) ou chamando aos teléfonos 881815071, 881815073 ou 881815074. A USC pon a disposición das persoas interesadas, de forma gratuíta, un autobús que sairá ás 9:30 do aparcadoiro da Piscina Universitaria para trasladar ao persoal ata o punto de saída, Ponte Maceira. Esta primeira andaina de persoal das Universidades galegas enmárcase nos acordos para a celebración de eventos deportivos no sistema universitario galego.