A USC celebra entre marzo e abril dez campionatos deportivos propios

Un total de dez campionatos deportivos da USC desenvolveranse entre os vindeiros meses de marzo e abril, para os que a Área de Deportes mantén aberto o prazo de inscrición. Todos eles disputaranse nas instalacións do Campus de Santiago excepto o de Vela que se desenvolverá en Portosín e o de Remo, ambos os dous pendentes de data de celebración.
Os primeiros campionatos que se disputarán son os de Taekwondo (28 de febreiro para a modalidade de promoción e o 14 de marzo para o campionato propiamente), Tenis de mesa (6 de marzo), Karate (7 de marzo) e Tenis (a partir do 10 de marzo). Xa no mes de abril será a quenda dos de Pesca submariña (día 3), Esgrima (día 18) e Judo (día 25).
Campionatos galegos universitarios 2009O calendario de Campionatos Galegos Universitarios para 2009 traerá ás instalacións da USC a competición de Natación, o 25 de marzo, á que se suma a xa celebrada en Lugo de Circuíto en ruta de 5 quilómetros.
Neste mesmo contexto, pero en modalidade de exhibición, a USC acubillará sesións de Bádminton (13 de marzo), Piragüismo (3 de abril) e Tiro con Arco (30 de maio).