A USC traballa con universidades de Asia Central para a mellora da súa formación en economía circular e sustentabilidade

Na inauguración da sesión participaron o vicerreitor de Transformación Dixital e Innovación, Gumersindo Feijoo, e o vicedecano de Estudantes e Relacións Internacionais, Adrián Dios.
Na inauguración da sesión participaron o vicerreitor de Transformación Dixital e Innovación, Gumersindo Feijoo, e o vicedecano de Estudantes e Relacións Internacionais, Adrián Dios.
Os grupos ICEDE e POSMARK na USC reciben estes días a visita de representantes desas institucións no marco do proxecto ERASMUS+ CirculEC

Os grupos de investigación ICEDE e POSMARK da USC lideran o proxecto ERASMUS+ CirculEC, que ten por obxectivo capacitar Universidades de Asia Central para mellorar a formación en economía circular e sustentabilidade que ofrecen ao seu estudantado de grao, mestrado e formación continua.

Precisamente esta semana a Facultade de Ciencias Económicas e Empresariais da USC está  a recibir a visita dunha delegación de 11 universidades de Kazaxistán, Taxiquistán, Usbequistán e Turkmenistán que participan neste proxecto. financiado polo programa Erasmus+ CBHE da Comisión Europea.

Durante toda esta semana a delegación estranxeira recibirá formación en economía circular e sustentabilidade, para o que se conta coa colaboración de dúas empresas circulares de Santiago, TEIMAS e ARROUPA. TEIMAS é unha empresa especializada en solucións tecnolóxicas innovadoras e eficientes para a xestión de residuos e a economía circular. Pola súa banda, ARROUPA é unha empresa de inserción laboral en materia de reutilización téxtil que dende 2015 ofrece servizos de recollida de téxtil e complementos, clasificación e venda ao público en tendas propias. 
 

Os contidos desta páxina actualizáronse o 25.03.2025.