A vicerreitora de Responsabilidade Social e Calidade entrega a Medicina o certificado de verificación do seu Sistema de Garantía Interna de Calidade

A vicerreitora de Responsabilidade Social e Calidade da USC, Benita Silva, entregaralle este venres 24 ao decano da Facultade de Medicina, Juan Gestal Otero, o certificado de verificación do Sistema de Garantía Interna de Calidade do centro. O acto será ás 13.00 horas no despacho do decano na Facultade.

Xunto con Medicina, obtiveron este certificado os outros catorce centros da USC que participaron na terceira convocatoria do Programa Audit que organizan a Agència per a la Qualitat del Sistema Universitari de Catalunya, a Aneca e a Axencia para a Calidade do Sistema Universitario Galego (ACSUG).