A VII Xornada SINDUR analizou como superar as cidades dixitais clásicas

Impulsar un debate crítico e creativo sobre as estratexias de marketing territorial das cidades a partir da web 2.0 e as redes sociais é o obxectivo das sétimas Xornadas Sindur que este luns 14 se desenvolven no Instituto de Estudos e Desenvolvemento de Galicia baixo o lema ‘Da cidade dixital á cidade aumentada’ e ao amparo dos Plans Nacional e Galego de I+D+i.
Foron catro as conferencias do encontro relacionadas co uso intelixente das TIC e o desenvolvemento urbano e rexional, a cargo do profesor da USC Carlos Ferrás Sexto, dos arquitectos de Mmasa Luciano Alfaya e Patricia Muñíz e Enric Senare, director do Urban Lab Cornellá. A xornada remata esta tarde, ás 16:00 horas, coa exposición das conclusións.
O grupo de investigación GIST da Universidade de Santiago de Compostela pretende con estas xornadas analizar cómo podemos superar a cidade dixital clásica que promove a formación da xente no uso de Internet, crear webs locais ou promover os telecentros ata un novo concepto de cidade aumentada que impulsa a difusión de produtos territoriais, empresas locais e sociedade civil a través das redes sociais e internet, promovendo o desenvolvemento económico e a innovación.
Trátase de estudar as estratexias de marketing territorial das cidades a partir da web 2.0 e as redes sociais como facebook e outras tendo presente que todo isto pode promover a creatividade, o emprendedurismo e a innovación na sociedade local e así superar a publicidade dos tópicos por unha estratexia de marketing on line innovadora para promover e vender a "cidade" e o territorio.