O vindeiro venres remata o prazo de matrícula para másteres universitarios

O período de matrícula para os másteres universitarios da USC rematará o vindeiro venres 9 de setembro. No caso dos posgraos con límite o vindeiro venres tamén remata o prazo da matrícula provisoria nos de criterios xerais de selección e o período de preinscrición naqueles con criterios específicos de selección. Neste último caso, as persoas admitidas deberán formalizar a súa matrícula entre o 20 e o 23 de setembro. A oferta de posgrao deste ano inclúe 6 novos títulos, Tecnoloxías da Información; Turismo urbano e xestión de empresas turísticas; Bioloxía Mariña; Xuventude e sociedade; Dirección de actividades educativas na natureza; e Agricultura, gandería e silvicultura ecolóxicas. O total de másteres universitarios da USC engloba de maneira equilibrada as grandes ramas de coñecemento. Así, o catálogo contempla 16 posgraos de Ciencias, 14 (11 en Santiago, 4 en Lugo) de Ciencias da Saúde, 21 (18 en Santiago e 3 en Lugo) de Ciencias Xurídico-Sociais, 10 (5 en Santiago, 5 en Lugo) en Enxeñarías e Arquitectura e 12 (11 en Santiago e 1 en Lugo) de Artes e Humanidades. De todos eles -60 en Santiago e 13 en Lugo-, 19 son de carácter interuniversitario. Calendario

As clase do primeiro cuadrimestre comezarán o 12 de setembro e rematarán o 26 de xaneiro de 2012; mentres que o segundo cuadrimestre irá do 30 de xaneiro ao 8 de xuño. Os exames celebraranse do 16 ao 28 de xaneiro e do 28 de maio ao 9 de xuño. Haberá unha última convocatoria de avaliación do 2 ao 14 de xullo.