Vodas de prata da promoción galega 1982-1987 de Bioloxía

A promoción 1982-1987 de Bioloxía da Universidade de Santiago de Compostela celebrou este sábado pasado as súas vodas de prata nun emotivo acto que contou coa participación do actual vicerreitor de Titulacións e PDI e membro desa promoción, Jesús López Romalde, que lle entregou á decana da Facultade, Luz González, unha placa conmemorativa. Ademais dos titulados e tituladas dese ano asistiron docentes da Facultade compostelá de Bioloxía e, dado que naquela época a de Santiago era a única universidade galega, do Colexio de Ourense.