Xa está en marcha unha nova edición do Concurso de Ideas Empresariais Innovadoras da USC

A viabilidade e a súa factibilidade, o carácter innovador, grao de madurez, mercado potencial e a inclusión de políticas de igualdade na súa formalución son os criterios que guiarán o labor do xurado do XII Concurso de Ideas Empresariais Innovadoras da USC na selección de propostas. A convocatoria, na que se entregarán un total de cinco premios de 600 euros cada un, está aberta aos integrantes da comunidade universitaria das tres universidades galegas. O prazo para a presentación de propostas permanecerá aberta ata o vindeiro 31 de maio ás 14:00 horas. A inscrición no certame realizarase de forma telemática, cumprimentando o formulario que aparece na páxina web de Uniemprende. Así mesmo, poderase participar imprimindo o documento en liña e entregándoo nos rexistros dos Campus de Santiago e Lugo.