Cada xesto conta

O proxecto Retorna Tour de recollida de residuos de envases (latas e botellas de plástico de ata 2 litros) pecha este venres a súa campaña no Campus de Santiago. As persoas interesadas en sumarse á campaña aínda poden depositar os seus envases en horario de 16.00 a 19.00 horas no punto que se establecerá diante da Biblioteca Concepción Arenal (Campus Vida). A cambio, por cada envase recibirán cinco céntimos. A meta de Retorna é reducir ao máximo a xeración de residuos e implantar un sistema de depósito, devolución e retorno de envases de bebidas (latas de aluminio, follas de lata, bricks, plásticos e vidros). No seu desenvolvemento a Oficina de Desenvolvemento Sostible da USC colabora co concello de Santiago. Está é unha iniciativa sen ánimo de lucro, integrada por 15 entidades da industria da reciclaxe, ONG’s ambientais, sindicatos e consumidoras. Durante toda esta semana, bolseiros da Oficina de Desenvolvemento Sostible da USC informaron do alcance do proxecto a todas as persoas que se acheguaron ao punto de información situado fronte á biblioteca Concepción Arenal.