O XII Congreso da Sociedade Española de Medicina Oral acollerá en Santiago o Dentibus

O XII Congreso da Sociedade Española de Medicina Oral que se desenvolverá a vindeira semana en Santiago contará coa presenza do Dentibus, unha unidade móbil que percorre o territorio español na que se realizarán exploracións bucodentais gratuítas e se ofrecerá asesoramento sobre distintas propostas terapéuticas. A iniciativa, xunto cos detalles do congreso, presentarase en rolda de prensa este mércores 8 ás 11.30 horas na Sala de Prensa do Colexio de San Xerome. Participan o presidente da SEMO e organizador do congreso, José Luis Gándara; o presidente do Colexio de Odontólogos e Estomatólogos da Coruña, José María Suárez Quintanilla; e o xefe de Relacións Exteriores para Galicia de El Corte Inglés, empresa patrocinadora do Dentibus.