A xornada de presentación de software libre para uso científico desenvolverase o día 12 de abril en Matemáticas

A Facultade de Matemáticas acollerá o vindeiro día 12 a xornada de presentación de software libre para uso científico, na que ademais se presentará a versión 5.0 de EpiLinux, un sistema operativo especialmente orientado á utilización de ferramentas de análise epidemiolóxica e bioestatística.

O encontro está organizado pola Asociación de Usuarios de Software Libre da Terra de Melide (MeLiSA) e conta co apoio da AMTEGA e da propia Facultade anfitrioa. A inscrición é de balde e de libre acceso.