Xornadas de portas abertas e cursiños de astronomía, estes días na USC

O Observatorio Astronómico Ramón María Aller da Universidade de Santiago participa na Semana da Ciencia 2007 coa organización de xornadas de portas abertas e cursiños de astronomía para xornalistas e para o público en xeral, entre outras actividades.
Os cursiños de astronomía terán unha carga lectiva de oito horas, cinco de teoría e tres de observación, que se repartirá entre os días 12 e 16 de novembro en distintos horarios. As persoas interesadas en participar nestes dous cursos poden solicitar máis información no propio Observatorio en horario de 13 a 14 horas ou de 19 a 20 horas así como no enderezo de correo electrónico oadoco [at] usc.es (oadoco[at]usc[dot]es).
Xornada de portas abertasO Observatorio Astronómico celebra tamén diversas xornadas de portas abertas, sendo os días 13 e 14 de novembro en horario de 19:00 a 21:00 horas e os días 10, 16 e 17 de 19:00 a 24:00 horas.
Por outra banda, os domingos 11 e 18 de novembro, entre as 17:30 e as 19:30 horas, está prevista a realización de sesións de astronomía para nenos, na propia sede do Observatorio no Campus Sur.