Xuntanza do Consello de Goberno da USC

O Consello de Goberno da USC trata na súa xuntanza deste xoves 22 a proposta de límite de prazas en titulacións de grao, mestrados e programas de doutoramento para o próximo curso 18/19. A xuntanza deste órgano colexiado comezará ás 11.00 horas, en primeira convocatoria, no Colexio de San Xerome.

Entre outros asuntos, a orde do día inclúe tamén a convocatoria ordinaria de prazas de aloxamento do Servizo Universitario de Residencias (SUR) e as destinadas a estudantado estranxeiro para o vindeiro curso, así como para membros da comunidade universitaria ou alumnado durante o verán de 2018. Ademais do acordo de esixencia de nivel de coñecemento de idioma para a matrícula en estudos de grao ou máster para o alumnado estranxeiro, nesta sesión someterase a aprobación o regulamento de réxime interno das Escolas de Doutoramento Internacional de Campus Terra; en Ciencia e Tecnoloxía; en Ciencias da Saúde; e en Artes e Humanidades, Ciencias Sociais e Xurídicas, entre outros puntos.