Acto de graduación do máster en Enxeñaría medio ambiental

A sexta promoción do máster en Enxeñaría medio ambiental da Universidade de Santiago celebra este venres 23 o seu acto de graduación. Será ás 17.00 horas no salón de actos da Escola Técnica Superior de Enxeñaría. Na cerimonia intervirán o director da Escola Técnica Superior de Enxeñaría, Juan Manuel Lema; o padriño da promoción, o profesor José Antonio Souto González; o coordinador do máster, Francisco Omil Prieto; e o director de Planificación da Confederación Hidrolóxica Miño-Sil e ex presidente de SOGAMA, José Álvarez Díaz.