A revista Semata dedica o seu último número á trama dos imperios
A revista Semata achégase no seu novo número, o que fai o número 23 da colección, ao tema ‘Imperios: luz y tinieblas’, nunha edición que recaeu en Ramón Máis, Pedro López Barja e José Mª Portillo. O novo número presentouse en público este mércores 23 nun acto na Sala de Profesores da Facultade de Xeografía e Historia. Na presentación interviñeron o vicerreitor de Estudantes, Cultura e Formación Continua, Francisco Durán; o decano da Facultade de Xeografía e Historia, Juan Monterroso; o director do Servizo de Publicacións e Intercambio Científico, Juan Blanco; a directora da revista, Mª Carmen Saavedra; e os coordinadores da edición, os profesores Pedro López Barja e Ramón Máiz. Cunha proposta de análise arredor da trama dos imperios ao longo da historia, a revista reúne a historiadores, xeógrafos e politólogos que achegarán esforzos dende unha perspectiva comparativa e multidisciplinaria. O resultado son dezanove artigos vertebrados en seis bloques temáticos. O primeiros dos bloques temáticos aos que se lle presta atención é o relativo a problemas de definición e clasificación do tema abordado, para continuar cunha segunda sección dedicada a consideración historiográficas. O relato continúa cunha serie de tres artigos arredor das elites imperiais, ata chegar á decadencia e declive del imperio español. A diversidade de linguaxes e outras cuestións actuais son os dous bloques temáticos cos que se completa o índice. Semata Semata é unha revista interdisciplinar, de periodicidade anual, que publica traballos orixinais de investigación sobre calquera das especialidades relativas ao campo das Ciencias Sociais e das Humanidades. Os números da revista teñen un carácter monográfico e rotatorio entre as áreas de Xeografía, Historia e Historia da Arte. Cada traballo é lido polo coordinador/a científico/a do número, contando co asesoramento dun grupo de censores doutras universidades de recoñecido prestixio no tema en cuestión, os cales deben emitir informes confidenciais.