Presentación da publicación Lingua e territorio, dedicada ao fundador e ex director do Instituto de Lingua Galega da USC

O Instituto de Lingua Galega da USC (ILG) e o Consello de Cultura Galega acaban de editar a publicación Lingua e territorio, dedicada ao fundador e ex director do Instituto da Lingua Galega e profesor da USC, Constantino García González. O volume presentarase este mércores, día 14, ás 12:00 horas no Consello da Cultura Galega nun acto no que intervirán o presidente do Consello, Ramón Villares, e a directora do ILG, Rosario Álvarez Blanco, ambos os dous docentes da USC.
A publicación recolle un feixe de contribucións achegadas desde distintos ámbitos científicos coa intención de afondar no coñecemento da distribución das variedades xeolingüísticas do galego. Os responsables da edición son os profesores da USC Xulio Sousa Fernández, Francisco Dubert García e Rosario Álvarez Blanco.