Bota a andar a oferta de actividades físico deportivas para o mes de xuño

A Área Deportiva da USC lanza unha nova convocatoria de actividades físico deportivas para o mes de xuño nos campus de Santiago e Lugo. Relacionada co benestar, a aprendizaxe deportiva, as actividades acuáticas, ou o traballo aerobio e de acondicionamento físico, a programación abre o seu prazo de matrícula este xoves 15 para a Categoría A e a partir do día 22 para o resto de persoas interesadas. O prazo permanecerá aberto ata o 8 de xuño. 

No Campus de Santiago, a oferta abrangue GAP+tono, step, zumba, ximnasia de mantemento, pilates, ioga, ximnasia terapéutica, Mindfulness, Tai-chi + chi-kung, Kung fu e Pickleball. Ademais, en Compostela tamén se ofrecen actividades acuáticas. En Lugo, a programación abarca voleibol mixto, mantemento, pilates, M+A+S e GAP.