Xaque para o equipo de Matemáticas

O equipo da Facultade de Matemáticas é o gañador do Campionato Universitario de Xadrez por Equipos de Facultade, unha competición organizada polo Servizo de Deportes da USC. Integraban o equipo Lucas Abal Cores, Víctor Alonso Macías, Adrián Betanzos Jamardo, Adrián Blanco Seijas, Rubén Paredes Cordeiro, Francisco Pedreira Giralda e David Orive Miguel.

O torneo disputouse a un ritmo de xogo de cinco minutos + 2 segundos no comedor do Colexio Maior Rodríguez Cadarso e, dende o comezo, foi un duelo entre as Facultade de Matemáticas e a Escola Técnica Superior de Enxeñaría. A entrega do galardón realizouse nun acto na Aula Magna da Facultade de Matemáticas onde o equipo recibiu o trofeo de mans da asesora da Vicerreitoría de Estudantes, Cultura e Responsabilidade Social, Marta Carballo e do técnico do Servizo de Deportes José L. Veiga.