A Biblioteca Intercentros achega ao público títulos obxecto de censura co centro de interese ‘Libros Prohibidos’

A Biblioteca Intercentros do campus de Lugo da USC achega á sociedade preto de medio centenar de libros que foron obxecto de censura a través da apertura dun centro de interese que leva por título ‘Libros Prohibidos’ e que permanecerá exposto no vestíbulo das instalacións bibliotecarias ata o vindeiro 5 de abril.

A directora da Biblioteca Intercentros da USC, Julia Cantalapiedra, e o profesor do Departamento de Filoloxía Inglesa da USC na Facultade de Humanidades Jesús Varela Zapata guiarán, a partir das 13.00 horas, o acto de apertura deste centro de interese sobre volumes que foron obxecto de censura, unha mostra que inclúe volumes de temática e xéneros moi diversos.