Alejandro Gracia di Rienzo recibe o premio Leonardo á docencia da ETSE
Alejandro Gracia di Rienzo, contratado predoutoral do departamento, recibe o premio Leonardo pola súa labor docente no Grao de Intelixencia Artificial.
Durante acto de festividade da ETSE, que celebra o natalicio de Leonardo da Vinci o 15 de abril, entregáronse varios premios no que o noso departamento tivo representación. Alejandro Gracia di Rienzo, contratado predoutoral que está facendo a tese no noso departamento, recibiu o premio Leonardo pola súa calidade docente na materia de Lóxica no Grao en Intelixencia Artificial, na que leva participando dende hai dous cursos.
Desde a dirección do departamento queremos felicitar a Alejandro pola súa labor e por este recoñecemento.