Créditos ECTS Créditos ECTS: 4.5
Horas ECTS Criterios/Memorias Traballo do Alumno/a ECTS: 74.2 Horas de Titorías: 2.25 Clase Expositiva: 18 Clase Interactiva: 18 Total: 112.45
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Economía Aplicada
Áreas: Economía Aplicada
Centro Facultade de Ciencias Económicas e Empresariais
Convocatoria: Segundo semestre
Docencia: Con docencia
Matrícula: Matriculable
Esta materia optativa, impartida no segundo cuadrimestre do cuarto curso do Grao en Administración e Dirección de Empresas, ten como finalidade afondar nos coñecementos en planificación fiscal desde unha perspectiva internacional, complementando a formación previa sobre o sistema tributario español.
O programa estrutúrase arredor dos principios e criterios fundamentais da tributación internacional, prestando especial atención aos problemas derivados da dobre imposición —xurídica e económica— e aos mecanismos establecidos para a súa eliminación. Estúdase en detalle o Imposto sobre a Renda de Non Residentes (IRNR), diferenciando os supostos con e sen establecemento permanente, así como as obrigas formais derivadas das operacións transfronteirizas.
A materia inclúe tamén o exame das principais medidas anti-elusión incorporadas á normativa do Imposto sobre Sociedades, así como a análise da obriga real nos impostos sobre Sucesións e Doazóns, e sobre o Patrimonio. Dedícase unha parte específica ao réxime fiscal das institucións de investimento colectivo.
Finalmente, abórdase o tratamento fiscal das operacións de reestruturación empresarial máis habituais —fusións, escisións, achegas de activos, trocos de valores e cambios de domicilio fiscal—, dende unha perspectiva práctica e aplicada.
A metodoloxía combina a análise teórica da normativa e da xurisprudencia internacional coa resolución de casos prácticos, co obxectivo de desenvolver competencias clave na toma de decisións fiscais en contornas empresariais globalizadas.
1. Principios e criterios da tributación internacional
Fundamentos da fiscalidade internacional. Criterios de suxeición tributaria: residencia e fonte. Coordinación fiscal entre estados. Obxectivos da planificación fiscal en contextos globais.
2. Dobre imposición: convenios e mecanismos de eliminación
Concepto e clases de dobre imposición. Convenios para evitar a dobre imposición (CDI): estrutura, principios e efectos. Métodos de eliminación da dobre imposición.
3. Imposto sobre a Renda de Non Residentes (IRNR)
Normativa aplicable. Suxeitos pasivos. Tributación con ou sen establecemento permanente. Rendementos suxeitos. Retencións e obrigas formais. Relación coas normas internacionais e cos CDI.
4. Obrigación real nos impostos sobre Sucesións e sobre o Patrimonio
Concepto. Supostos de suxeición de non residentes. Análise das obrigas formais e materiais. Compatibilidade con convenios internacionais.
5. Medidas anti-elusión na normativa do Imposto sobre Sociedades
Normas específicas. Limitacións á deducibilidade de gastos. Tributación en supostos de transparencia fiscal internacional. Análise de esquemas de planificación agresiva.
6. Réxime fiscal das institucións de investimento colectivo
Tipos de institucións: fondos e sociedades. Fiscalidade das institucións e dos partícipes. Incentivos e réximes especiais. Análise do seu uso en estruturas internacionais.
7. Transparencia fiscal internacional e entidades de tenza de valores estranxeiros (ETVE)
Réxime de transparencia fiscal internacional. Requisitos, efectos e planificación. O réxime das ETVE: finalidade, vantaxes fiscais e normativa aplicable.
8. Fiscalidade das operacións de reestruturación empresarial
Fusións, escisións, achegas non dinerarias de ramas de actividade, trocos de valores e traslado do domicilio fiscal. Requisitos para a aplicación do réxime fiscal especial. Implicacións prácticas e análise de casos.
1. Agencia Tributaria (última edición). Manual de Tributación de no residentes. https://sede.agenciatributaria.gob.es/Sede/ayuda/manuales-videos-follet…
2. Albi, E. et al. (última edición). Sistema fiscal español, Ariel Economía.
3. Domínguez-Barrero, F. (última edición). Introducción a la planificación fiscal. Prensas de la Universidad. Universidad de Zaragoza.
4. Domínguez-Barrero, F. (última edición). Planificación fiscal en la empresa. Prensas de la Universidad, Universidad de Zaragoza.
5. Lledó Yagüe, M. C. (última edición). Planificación fiscal y elusión tributaria. Tirant lo Blanch.
Normativa legal e fontes oficiais actualizadas:
Lei 27/2014, do 27 de novembro, do Imposto sobre Sociedades.
Real Decreto Lexislativo 5/2004, do 5 de marzo, polo que se aproba o texto refundido da Lei do Imposto sobre a Renda de non Residentes.
Convenios para evitar a dobre imposición asinados por España.
Directivas fiscais da Unión Europea.
Documentos e informes da OCDE, especialmente no marco do Plan BEPS.
Competencias básicas
CB2. Que o estudantado saiba aplicar os coñecementos adquiridos ao seu traballo ou vocación de forma profesional, e que dispoña das competencias necesarias que se adoitan demostrar mediante a elaboración e defensa de argumentos, así como a resolución de problemas dentro da súa área de estudo.
CB3. Que o estudantado teña capacidade para reunir e interpretar datos relevantes, normalmente no ámbito da súa área de estudo, co fin de emitir xuízos que inclúan unha reflexión crítica sobre aspectos sociais, científicos ou éticos.
CB4. Que o estudantado sexa capaz de comunicar información, ideas, problemas e solucións tanto a un público especializado como non especializado, empregando un rexistro adecuado a cada contexto.
CB5. Que o estudantado desenvolva as habilidades de aprendizaxe necesarias para emprender estudos posteriores cun alto grao de autonomía.
Competencias xerais
CG3. Ser capaz de identificar, reunir e interpretar datos relevantes relacionados co ámbito empresarial, incorporando na formulación de xuízos e propostas aquelas consideracións de carácter social, científico ou ético que resulten pertinentes.
CG4. Ser capaz de comunicar información, ideas, problemas e propostas de solución no ámbito empresarial, dirixidas tanto a públicos especializados como non especializados, facendo un uso adecuado da linguaxe oral e escrita, así como dos medios e técnicas propias de representación e presentación de datos da disciplina.
Competencias transversais
CT1. Capacidade de análise e síntese, aplicada á comprensión e abordaxe de situacións complexas no ámbito académico ou profesional.
CT4. Habilidade para buscar, seleccionar, xestionar e utilizar de maneira eficaz a información relevante procedente de fontes diversas.
CT6. Capacidade para identificar, formular e resolver problemas de maneira eficaz, empregando metodoloxías e ferramentas adecuadas.
CT9. Desenvolvemento da autonomía na aprendizaxe, asumindo a responsabilidade do propio proceso formativo e sendo capaz de autoorganizar o estudo e a adquisición de coñecementos.
CT10. Capacidade para integrarse e colaborar eficazmente en equipos de traballo, contribuíndo activamente á consecución de obxectivos comúns.
CT13. Compromiso coa ética persoal e profesional, actuando con responsabilidade social e integridade no exercicio da actividade académica e laboral.
Competencias Específicas:
A3: Comprender a realidade económica nacional e internacional, os sectores produtivos, o sector público, as institucións económicas e a súa evolución ao longo do tempo.
B7: Coñecer e aplicar os sistemas de apoio á dirección, incluíndo as súas funcións de planificación, análise, deseño e implantación dos sistemas de información.
D4: Emitir informes de asesoramento sobre situacións específicas de empresas e mercados, proporcionando recomendacións precisas e relevantes.
D8: Derivar información relevante a partir de datos complexos que serían imposibles de interpretar por non profesionais, facilitando a súa comprensión e toma de decisións.
Docencia expositiva
Para o desenvolvemento do programa da materia conxúgase o método didáctico da clase expositiva, que ten como obxetivo a exposición completa, sistemática e ordeada do contido dos temas e epígrafes descritos con anterioridade; xunto coas clases interactivas, nas que se require da participación e traballo do alumnado.
Docencia interactiva
Tra-las exposición teóricas plantéxanse diferentes exercicios, algúns dos cais se realizarán con soporte informático.
O alumnado ha de manexar a aplicación da aula virtual e o Teams, a través do que se compartirá material, probas, etc. Para elo é requerido o uso de RAI e ter acceso aos equipos informáticos (www.rai.usc.es/).
Tendo en conta a metodoloxía da ensinanza descrita no apartado anterior a avaliación combina a actividade interactiva e expositiva do alumnado. Unha parte desta depende dos resultados que acade ao realizar os test de avaliación continua, os traballos, as discusións e intervencións que se produzan, así coma tamén o exame final.
O peso relativo das probas de avaliación continua será dun 40% mentres a proba final ponderará un 60% sobre a nota final. En calquera caso, para obter o aprobado o alumnado deberá realizar tanto unha porcentaxe relevante da avaliación continua como o exame final.
O alumnado con dispensa de asistencia a clase oficial presentarase ao exame final sobre os contidos da materia. Este exame será o 100% da nota final. En calquera caso, 5 días antes da realización da proba oficial deberá dirixir un email ao profesorado encargado da materia indicando os seus datos e a situación de dispensa.
TRABALLO PRESENCIAL NO AULA
Clases expositivas 18h
Clases interactivas 18h
Titorías en grupos reducidos ou individualizadas 9h
Total horas traballo presencial no aula 45h
TRABALLO PERSOAL DO ALUMNADO
Estudo autónomo individual ou en grupo 50h
Escritura de exercicios, conclusións ou outros traballos 7,5h
Programación/experimentación ou outros traballos en ordenador/laboratorio 5h
Lecturas recomendadas, actividades en biblioteca ou similar 5h
Total horas traballo persoal do alumno 67,5h
Recoméndase que o alumnado se familiarice co manexo de documentación legal e lexislación tributaria. O estudantado debe aprender a manexar as leis dos impostos analizados nesta materia, así como comprender as súas disposicións e aplicación no eido empresarial.
Cómpre lembrar que nos casos de realización fraudulenta de exercicios ou probas aplicarase o disposto no Regulamento da USC. Para a avaliación do rendemento académico do estudantado en situación de dispensa, deberá dirixir un email ao profesorado encargado da materia indicando os seus datos e a situación de dispensa.
Maria Cadaval Sampedro
Coordinador/a- Departamento
- Economía Aplicada
- Área
- Economía Aplicada
- Teléfono
- 881811664
- Correo electrónico
- maria.cadaval [at] usc.es
- Categoría
- Profesor/a: Profesor Contratado/a Doutor
Jaime Gaya Moreno
- Departamento
- Economía Aplicada
- Área
- Economía Aplicada
- Correo electrónico
- jaime.gaya [at] usc.es
- Categoría
- Profesor/a: Asociado/a de Universidade LOSU
| Martes | |||
|---|---|---|---|
| 18:00-19:00 | Grupo /CLE_01 | Galego | Aula 20 |
| Xoves | |||
| 15:00-17:00 | Grupo /CLE_01 | Galego | Aula 20 |
| 26.05.2026 16:00-19:00 | Grupo /CLE_01 | Aula 08 |
| 26.05.2026 16:00-19:00 | Grupo /CLIS_01 | Aula 08 |
| 03.07.2026 16:00-19:00 | Grupo /CLIS_01 | Aula 21 |
| 03.07.2026 16:00-19:00 | Grupo /CLE_01 | Aula 21 |