O Máster Universitario en Tecnoloxías en Márketing e Comunicación Política responde a crecente demanda de profesionais do márketing e a comunicación nas organizacións cun enfoque estratéxico
Duración:
1 ano académico
Código RUCT: 4317829
Número de ECTS: 60
Número prazas: 35
Decano/a ou director/a do centro:
MARTA IRENE LOIS GONZALEZ
Coordinador-a do título:
Erika Jaraiz Gulias
erika.jaraiz@usc.es
Linguas de uso:
Castelán, Galego
Universidade coordinadora:
Universidade de Santiago de Compostela
Universidade(s) participante(s):
Universidade de Santiago de Compostela
Data da autorización de implantación do título pola Xunta de Galicia:
Orde do 8 de xullo de 2021 (DOG 16/07/2021)
Data de publicación no BOE:
17/01/2022
Data da última acreditación:
24/05/2021
O Máster Universitario en Tecnoloxías en Márketing e Comunicación Política responde a crecente demanda de profesionais do márketing e a comunicación nas organizacións cun enfoque estratéxico. Cunha forte componente teconolóxica e una visión moderna e centrada na incorporación das novas Tecnoloxías ao márketing e á comunicación política, ofrece a quen desexe especializarse neste campo as ferramentas necesarias, tanto teóricas como, sobre todo, prácticas para o deseño e a implementación de estratexias de márketing e comunicación política eficaces e efectivas.
O Máster en Tecnoloxías en Márketing e Comunicación Política quere ser a resposta máis avanzada fronte ás esixencias inmediatas tanto no espazo da investigación coma no da profesionalización do noso estudantado.
Para dar resposta a estas necesidades, o Máster en Tecnoloxías en Márketing e Comunicación Política estrutúrase en catro módulos, dous obrigatorias e dous de contidos optativos. Os dous primeiros fan referencia á base instrumental/metodolóxica necesaria e aos espazos de referencia do Máster, a saber, a comunicación e o márketing político. Os dous optativos vehiculan a orientación estratéxica e tecnolóxica do máster e a súa novidosa referencia a estes contidos de vangarda, coma Data Science, xestión de redes sociais, machine learning, neurociencia ou a xestión emocional da política.
Condicións de terminación:
Obrigatorias: 30
Optativas: 18
Prácticas externas 6
Traballo fin de máster: 6
Total: 60
Non se contemplan itinerarios nin mencións neste mestrado; porén, o alumno deberá cursar tres materias de cada un dos módulos optativos da titulación para obter os 18 créditos optativos que ten de superar.
Está dirixido preferentemente a graduados ou licenciados das seguintes titulacións: Ciencias Políticas, Xornalismo ou Ciencias da Información, Económicas, Administración e Dirección de Empresas, Publicidade e Relacións Públicas, Xestión e Administración Pública, Dereito e Socioloxía. De xeito non preferente, poden acceder con calquera outra titulación universitaria.
No caso de haber máis solicitudes que prazas ofertadas aplicaránse os seguintes criterios específicos de selección:
Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018. De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre ata acadaren o nivel requirido.
Persoas interesadas no marketing e na comunicación política, cunha vocación fundamentalmente profesional, con capacidade de traballo en equipo e inquietudes relacionadas coa aprendizaxe do tratamento de datos cuantitativos e cualitativos orientados ao deseño de estratexias de marketing e comunicación política.
Condicións de terminación:
Obrigatorias: 30
Optativas: 18
Prácticas externas 6
Traballo fin de máster: 6
Total: 60
Nos primeiros días de clase a coordinadora do mestrado organizará unha sesión informativa para comunicar aos alumnos/as cales son os obxectivos xerais da titulación, as competencias e destrezas que se alcanzarán coa formación ofrecida, así como para dar unha visión xeral da etapa formativa. Ademais, ao longo do curso o coordinador/a do título organizará varias sesións informativas nas cales se clarexarán todas as dúbidas relativas a prácticas e TFM, e calquera outra cuestión que puidese xurdir.
Unha vez matriculados, co fin de os alumnos teren unha atención personalizada e adaptada ás súas propias particularidades académicas e profesionais, contarán cun titor persoal que os orientará e guiará durante todo o curso académico.
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.
Modalidade: criterios específicos
TITULACIÓNS DE ACCESO:
Titulacións preferentes:
- Titulados/as en Ciencias Políticas
- Titulados/as en Xornalismo ou Ciencias da Información
- Titulados/as en Económicas
- Titulados/as en Administración e Dirección de Empresas
- Titulados/as en Publicidade e Relacións Públicas
- Titulados/as en Xestión e Administración Pública
- Titulados/as en Dereito
Titulaciones non preferentes:
Todas as titulacións universitarias que permitan o acceso aos estudos de Máster.
CRITERIOS DE SELECCIÓN:
Expediente académico: máx. 66,6%
Experiencia profesional: 33,33%
Modalidade: criterios específicos
TITULACIÓNS DE ACCESO:
Titulacións preferentes:
- Titulados/as en Ciencias Políticas
- Titulados/as en Xornalismo ou Ciencias da Información
- Titulados/as en Económicas
- Titulados/as en Administración e Dirección de Empresas
- Titulados/as en Publicidade e Relacións Públicas
- Titulados/as en Xestión e Administración Pública
- Titulados/as en Dereito
Titulaciones non preferentes:
Todas as titulacións universitarias que permitan o acceso aos estudos de Máster.
CRITERIOS DE SELECCIÓN:
Expediente académico: máx. 66,6%
Experiencia profesional: 33,33%
- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
- Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
- Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
- Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.
- Dominar as tecnoloxías e técnicas que lle permitan obter información e analizar situacións, avaliar a súa relevancia e dispoñer dos recursos para facerlles fronte.
- Tratar situacións complexas, críticas e impredicíbeis de forma sistemática e creativa, con xuízo crítico, con información incompleta, asumindo riscos, tomando decisións e comunicándoas a calquera tipo de audiencia.
- Desempeñar diferentes roles dentro dun equipo.
- Recoñecer a necesidade do cambio e ter a habilidade necesaria para xestionalo.
- Achegar valor á organización mediante a súa creatividade e participación.
- Xestionar a influencia dos cambios técnicos e tecnolóxicos derivados da expansión dos medios de comunicación dixitais.
- Capacidade de xestionar o marketing político de organizacións e institucións, e de executar campañas de comunicación política.
- Capacidade para aplicar os coñecementos adquiridos na toma de decisións e na resolución de conflitos de carácter político, e no seguimiento destes, tanto no nivel estratéxico como no operativo ou no táctico.
- Capacidade para utilizar as tecnoloxías máis avanzadas na xestión do márketing, a comunicación e a consultoría política orientada aos gobernos e ás campañas no contorno dixital desde unha perspectiva estratéxica, así como para deseñar proxectos de marketing viral, interactivo, SEM-SEO, etc.
- Coñecer as diferenzas e similitudes dos diferentes campos do marketing, da consultoría e da comunicación (empresarial, organizacional, institucional e política).
- Capacidade para utilizar tecnoloxías, métodos e técnicas avanzadas de investigación social e política no ámbito do marketing e a comunicación políticos, en organizacións públicas e privadas.
- Capacidade de deseñar e xestionar o marketing, a consultoría e a comunicación en situacións de crise a nivel estratéxico, operativo e táctico.
- Capacidade de entender, pensar e desenvolver a comunicación cos cidadáns online, así como de analizar as repercusiones sociais e políticas do seu impacto.
- Capacidade para elaborar todo tipo de informes propios do ámbito da consultoría política.
- Capacidade de xestionar as relacións cos clientes do consultor político, tanto do ámbito público como do ámbito privado.
- Capacidade para desenvolver as técnicas de segmentación superreducida (microtargeting) no ámbito do marketing político e a comunicación.
- Capacidade para manexar os novos contornos dixitais e as súas posibilidades de face á formación de candidatos, o deseño de campañas e a construción do produto político.
- Capacidade de traballo en equipo e liderado, en contornos cooperativos, pluridisciplinares ou de alto nivel competitivo.
- Capacidade para a aprendizaxe e a integración no traballo en equipos multidisciplinares, a cooperación e o compañeirismo.
- Habilidade para o manexo de tecnoloxías da información e a comunicación (TIC).
- Capacidade de xestión de información, resolución de problemas e toma de decisións.
A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
A realización dun período de prácticas en institucións, axencias ou empresas do sector do marketing político e institucional e a comunicación política ten varios obxectivos. Por unha banda, intenta servir de ponte ao alumno entre a experiencia vital dun estudante e a do desempeño dun posto de traballo. Por outra banda, serve de campo de experiencia para a aplicación dos coñecementos adquiridos e para observar na realidade como se desenvolve a aplicación dos devanditos coñecementos por profesionais de maior experiencia.
O alumno ten un titor na Universidade ao cal pode acudir para calquera cuestión ou dúbida de calquera problema que se suscite. O titor está en contacto cos responsábeis da empresa en que o alumno desenvolve o seu período de prácticas.
Á finalización do devandito período, a empresa emite un informe onde avalía o desempeño do alumno, ao mesmo tempo que o alumno ten que escribir un informe sobre a súa actividade durante as prácticas.
A finalidade última é que o alumnado poida realizar unas prácticas acreditadas en empresas o institucións, para intensificar o enfoque práctico e profesional do programa, e para desenvolver adecuadamente os coñecementos e habilidades formuladas.
É un traballo de carácter obrigatorio que consistirá nun pequeno proxecto de investigación individual, realizado polos/as estudantes titorizados por un profesor; e que se deberá defender de forma pública e mediante o cal o estudante poderá mostrar as competencias e coñecementos teóricos e prácticos adquiridos ao longo do curso.
O traballo de Fin de Master permite ao alumno desenvolver as capacidades de escritura, argumentación, análise e exposición pública, fundamentais para os perfís profesionais do Título.
Durante os últimos anos, a experiencia acumulada das prácticas realizadas polo noso alumnado, tanto en organismos públicos como en empresas privadas, permitiulles constatar a importancia que ten para o seu futuro desenvolvemento profesional a capacidade de redactar informes sobre as materias propias de cada servizo, así como a capacidade analítica e práctica de interpretación e extracción de conclusións doutros informes dos que han de dar conta.
Todos os profesores que participan no programa son especialistas nas materias a impartir, e están avalados pola súa traxectoria investigadora e profesional.
Na súa maioría son profesores de Universidade e profesionais que desenvolven labores en organismos internacionais, institucións públicas e privadas en postos relevantes e dedicados aos diferentes aspectos da Comunicación e o Márketing Político.