Prácticas en empresa para vehículo conectado

Os obxectivos desta materia céntranse na aplicación práctica na contorna dun proxecto de empresa dos coñecementos, habilidades e competencias, adquiridos polo alumno no Máster.

Con este obxectivo realizarase unha estancia de 3 créditos ECTS nunha empresa desenvolvendo tarefas relacionadas co ámbito IoT aplicado o Vehículo Conectado.

A materia non ten contidos específicos xa que dependerá do proxecto desenvolvido na empresa, pero o traballo realizado deberá estar relacionado co ámbito IoT aplicado o Vehículo Conectado.

A materia non utiliza bibliografía específica

Coa realización da materia o alumno deberá adquirir as seguintes competencias e habilidades.

CMP10: Adquirir experiencia no deseño, desenvolvemento, despregamento e mantemento de sistemas IoT nunha contorna real de traballo. Tipo: Competencias.

HBL12: Aplicar os coñecementos adquiridos e resolver problemas en contornas novas ou pouco coñecidos dentro de contextos máis amplos e mulitidisciplinares, sendo capaces de integrar coñecementos. Tipo: Habilidades ou destrezas.

HBL13: Comunicar (de forma oral e escrita) as conclusións- e os coñecementos e razóns últimas que as sustentan- a públicos especializados e non especializados dun modo claro e sen ambigüidades. Tipo: Habilidades ou destrezas.

HBL14: Predicir e controlar a evolución de situacións complexas mediante o desenvolvemento de novas e innovadoras metodoloxías de traballo adaptadas ao ámbito científico/investigador, tecnolóxico ou profesional concreto, en xeral multidisciplinar, no que se desenvolva a súa actividade. Tipo: Habilidades ou destrezas.

CMP13: Asumir a responsabilidade do propio desenvolvemento profesional e da especialización nun ou máis campos de estudo, de forma continuada, autodirigida e autónoma. Tipo: Competencias.

Aprendizaxe baseada na práctica profesional. As titorías correrán a cargo do profesorado do máster e do persoal da empresa.

Avaliación de informes finais (memoria de actividades das prácticas). Estes informes serán avaliados polo titor académico e terán unha ponderación na nota final do 70%.

Informe de titor profesional. Este informe elaborado polo titor do alumno na empresa terá unha ponderación na nota final do 30%.

A materia suporá 75 horas de traballo na empresa incluíndo a redacción da memoria final de actividades.