Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego, Francés
Tipo: Materia Ordinaria Grao RD 1393/2007 - 822/2021
Departamentos: Didácticas Aplicadas
Áreas: Didáctica da Lingua e a Literatura
Centro Facultade de Ciencias da Educación
Convocatoria: Segundo semestre
Docencia: Con docencia
Matrícula: Matriculable
- Acadar un nivel intermedio-alto de competencia comunicativa en lingua francesa.
- Mellorar o dominio nas actividades comunicativas de comprensión, produción, interacción e mediación (oral e escrito).
- Coñecer os principais métodos de ensino-aprendizaxe do FLE e saber utilizalos.
- Desenvolver as dúas dimensións do plurilingüismo: a dimensión comunicativa e a intercultural.
- Ter coñecementos socioculturais sobre a sociedade francesa e a súa lingua.
- Saber organizar unha unidade didáctica para a materia de FLE ou para unha DNL impartida en francés.
- Utilizar e crear materiais e recursos didácticos (recursos dixitais, manuais e documentos auténticos).
Os contidos da materia distribúense en dous bloques, que se desenvolven simultaneamente: bloque lingüístico e bloque didáctico.
Dentro do bloque lingüístico procurarase capacitar ao alumnado para o manexo das principais estruturas e funcións da lingua estranxeira, así como o vocabulario básico relacionado con contextos da vida cotiá e profesional. Como obxectivo preténdese o desenvolvemento das destrezas para a comunicación oral e escrita ata acadar un nivel de competencia, polo menos, B1 do MCER (nivel intermedio), que permita ao alumnado poder afrontar con confianza situacións correntes no manexo dunha lingua estranxeira introducindo conceptos básicos de tipo lingüístico e sociocultural, e proporcionar un modelo axeitado de produción lingüística aos estudantes.
Como resultado do desenvolvemento das destrezas de comprensión e expresión oral e escrita, o alumnado deberá ser capaz de:
1. Intercambiar información sobre temas cotiáns e resolver problemas.
2. Utilizar vocabulario básico relacionado co ensino de linguas e con situacións cotiáns (educación, tempo libre, traballo, relacións humanas...).
3. Empregar estruturas morfosintácticas básicas (tempos verbais, boa utilización de determinantes, concordancias, proposicións subordinadas, etc.).
4. Usar de forma efectiva os compoñentes fonéticos da lingua (sons, ritmo, entoación).
5. Comprender textos orais e escritos breves sobre temas familiares ou de interese profesional, e extraer deles información xeral e específica.
6. Expresar oralmente razóns ou opinións, narrar acontecementos e describir situacións ou experiencias de forma clara e organizada.
7. Redactar textos narrativos, descritivos ou argumentativos sinxelos sobre temas de interese persoal ou relacionados co ensino da lingua estranxeira.
8. Recoñecer semellanzas e diferencias socioculturais con países onde se fala a lingua estranxeira estudada e introducir aspectos socioculturais na aula.
Dentro do bloque didáctico, procurárase familiarizar ao alumnado con coñecementos básicos de tipo teórico e práctico sobre o ensino da lingua estranxeira (francés) na etapa da educación primaria, coa finalidade de capacitalo para afrontar situacións de ensino-aprendizaxe.
Os contidos organizáranse en cinco unidades:
a. Enfoques e métodos para o ensino da lingua estranxeira.
b. Ensino e avaliación das destrezas comunicativas (probas de certificación).
c. Materiais e recursos didácticos (prestando atención aos recursos dixitais).
d. Programación anual e avaliación.
e. Elaboración de unidades didácticas para a súa exposición na aula.
Bibliografía básica:
1 Cuq, J.-P. ; Gruca, I. : Cours de didactique du français langue étrangère et seconde. Presses Universitaires de Grenoble.
2 Carlo, C. ; Causa, M. (2003) : Civilisation progressive du français, avec 400 activités (niveau débutant). CLE International.Grand-Clément, O. (2007) : Civilisation en dialogues (niveau débutant) [+ CD]. CLE International.
3 Grégoire, M.; Thiévenaz, O. (2003) : Grammaire progressive du français avec 500 exercices (niveau intermédiaire). CLE International ; 2 vols Miquel, Cl. (2009) : Vite et Bien 1 : méthode rapide pour adultes (A1, A2) [+CD]. CLE International.
Bibliografía complementaria:
1 GIRADEAU B., JACAMENT E, SALIN M., Le DELF B1 100% réussite Éditions Didier (2016)
2 CRÉPIEUX G, MENSDORFF-POUILLY L, LIONS-OLIVIÉRY M-L, SPERANDIO C, 100% FLE Vocabulaire essentiel du français B1, Éditions Didier (2017)
3 GLAUD L, LOISEAU Y, MERLET E, 100% FLE Grammaire essentielle du français B1, Éditions Didier (2015)
4 Miquel, Cl. (2004) : Communication progressive du français. Niveau debutant : [avec 270 activites]. Corriges [+ CD]. CLE international.
5 Version originale 3: Livre de l’élève et cahier d’exercices B1. Édition Maison des Langues (2010)
6 Steele, R. (2000) : Civilisation progressive du français : avec 300 activités. CLE International.
7 Chnane-Davin, F. ; Cuq, J.-P. (2008) : Du discours de l'enseignant aux pratiques de l'apprenant. Clé Internacional.
8 Defays, J.M.; Delcominette, B.; Dumortier, J.L. ; Louis, V. [Ed.] (2003) : Didactique du français, langue maternelle, langue étrangère et langue seconde : vers un nouveau partage ? Cortil-Wodon: Editions Modulaires Européenes & Intercommunication.
9 Grand-Clement, O. (2008) : Civilisation en dialogues (niveau intermédiaire) [+CD]. CLE International.
10 Miquel, Cl. (2004) : Communication progressive du français. Niveau intermédiaire (avec 365 activités) [+ CD]. CLE International.
Referencias Webs e revistas:
- http://www.larousse.com/fr/dictionnaires/francais-monolingue (Dictionnaire Larousse).
- http://www.synonymes.com/ (Dictionnaire des synonymes).
- http://www.vatefaireconjuguer.com/ - www.leconjugueur.com (Conjugaison de verbes).
- http://www.onyva.es/ (Outils pour l’apprentissage de la langue française).
- http://www.ccdmd.qc.ca/fr/ (Amélioration du français).
- http://platea.pntic.mec.es/~cvera/ressources/recursosfrances.htm (Ressources didactiques sur internet).
- http://www.lepointdufle.net/ (Apprendre le français).
- http://www3.unileon.es/dp/dfm/flenet/ (Français langue étrangère et Internet).
- http://grammaire.reverso.net/ (Grammaire française interactive).
- GALIGALIA–ASSOCIATION DE PROFESSEURS DE FRANÇAIS https://sites.google.com/site/galigaliaapfg/
- ALLIANCE FRANÇAISE http://www.afsantiago.es/
- INSTITUTFRANÇAIS http://www.institutfrancais.com/fr
- LE FRANÇAIS DANS LE MONDE http://www.fdlm.org/
- TV5MONDE http://www.tv5monde.com/
- BONJOURDEFRANCE http://www.bonjourdefrance.es/
- Blogs pedagóxicos.
- Aplicacións e ferramentas de creación de recursos didácticos.
Competencias e resultados de aprendizaxe que o alumno debe adquirir:
A) Competencias do título
Competencias xerais (G):
G1, Coñecer as áreas curriculares da Educación Primaria, a relación interdisciplinar entre elas, os criterios de avaliación e o conxunto de coñecementos didácticos arredor dos respectivos procedementos de ensino e aprendizaxe.
G2. Deseñar, planificar e avaliar os procesos de ensino e aprendizaxe, tanto de xeito individual como en colaboración con outros profesores e profesionais do centro.
G3. Tratar con eficacia situacións de aprendizaxe de linguas en contextos multiculturais e multilingües. Fomentar a lectura e o comentario crítico de textos dos diversos ámbitos científicos e culturais do currículo escolar.
G4. Capacidade para deseñar e manexar espazos de aprendizaxe baixo os principios de igualdade e respecto á diversidade.
Competencias específicas (E):
E51. Afrontar situacións de aprendizaxe de linguas en contextos multilingües.
E52. Expresarse oralmente e por escrito nunha lingua estranxeira.
E53. Desenvolver e avaliar contidos do currículo mediante recursos didácticos axeitados e promover as competencias
correspondentes nos estudantes.
Competencias transversais (T):
T1. Coñecemento instrumental de linguas estranxeiras.
Trátase dunha proposta dinámica, eminentemente centrada nas actividades prácticas combinando varios métodos e sistemas didácticos. A destacar:
- Relevancia de innovación pedagóxica e creatividade.
- Experimentar recursos educativos dixitais.
- Explorar, tanto no rol de alumnado (eixe lingüístico) como no de futuro docente, novas tendencias (eixe didáctico)
Nas clases presenciais, a exposición teórica por parte do profesorado combinarase coas actividades prácticas. Ademais, todo o alumnado debe presentar un programa da Unidade Didáctica da Lingua Francesa para Educación Primaria.
As actividades do grupo expositivo e as actividades interactivas consistirán en:
- Avaliación inicial.
- Actividade expositiva.
- Práctica en clase grupal.
- Actividades interactivas.
- Presentación dun plan de traballo.
- Realización dunha proba escrita.
- Resolución de problemas.
- Debates.
- Proxectos e actividades en grupos e pequenos grupos.
- Presentacións orais individuais e grupais.
- Lecturas.
- Actividades lingüísticas previas (classe inversée).
- Elaboración de presentacións e materiais didácticos.
As actividades en pequeno grupo consistirán en:
- Reflexión do traballo en grupo.
- Discusión de proxectos.
- Elaboración de presentacións e recursos e materiais didácticos.
A Aula Virtual utilizarase como referencia de información relevante sobre o tema, para establecer comunicación co alumnado / profesorado e para solicitar ou recoller tarefas ou traballos propostos. Clase invertida.
A avaliación desta materia será continua e farase tendo en conta tres elementos:
a) Asistencia e participación en actividades de aula. A asistencia ás clases é obrigatoria e os estudantes deben asistir a un mínimo do 80% das sesións. O control de asistencia realizarase a través de diferentes instrumentos de rexistro. A asistencia e participación activa terá un peso do 20% na nota final. Os estudantes que non superen o 80% da asistencia sen xustificación documental perden o 20% desta sección e só poden asistir á convocatoria oficial (apartados b e c) cunha nota máxima do 80%
b) Informes, traballos, proxectos, actividades, producións escritas e presentacións orais do alumnado (individual e en grupo). Terán un peso do 40% na nota final. Os estudantes deberán obter nesta proba (apartado b) un mínimo do 40% da nota máxima posible, se non, non computará na nota final.
c) Actividade final e proba escrita específica. Terá un peso do 40% na nota final (20% actividade + 20% proba final). Os estudantes deberán obter nesta proba (apartado c) un mínimo do 40% da nota máxima posible, se non, non computará na nota final.
Estes tres elementos levaranse a cabo antes das dúas convocatorias de exames oficiais. Os estudantes que non obteñan a nota mínima requirida para as seccións b e c, deberán asistir á convocatoria oficial e manterase a nota obtida nas seccións a e b. Os estudantes que non obteñan a nota mínima requirida para o apartado b deberán poñerse en contacto co profesorado que lles dará as instrucións oportunas para aprobalos.
EXENCIÓN DE DOCENCIA / DISPENSA DE ASISTENCIA:
Os estudantes que teñan unha exención docente ou unha dispensa de asistencia deben acordar un plan de traballo específico co profesorado durante o mes de febreiro. A avaliación deste alumnado realizarase do seguinte xeito:
a) Informes, traballos, proxectos, actividades, producións escritas e presentacións orais (individual). Terán un peso do 50% na nota final.
b) Tarefa final. Terá un peso do 25% na nota final.
c) Proba escrita específica. Terá un peso do 25% na nota final.
1. HORARIO PRESENCIAL: 51 horas.
1.1. Actividades en grupo de exposición (24 horas):
1.1.1. Actividade expositiva.
1.1.2. Práctica en grupo.
1.1.3. Presentación dun plan de traballo.
1.1.4. Proba oral e escrita.
1.2. Actividades interactivas en grupo (24 horas):
1.2.1. Resolución de problemas.
1.2.2. Estudo de casos.
1.2.3. Debates
1.2.4. Proxectos e actividades.
1.3. Actividades grupais ou individuais (3 horas):
1.3.1. Traballo en grupo de reflexión.
1.3.2. Discusión do proxecto.
2. HORAS DE TRABALLO AUTONÓMO: 99 horas.
2.1. Actividades en grupo de exposición (35 horas):
2.1.1. Lectura de documentos.
2.1.2. Estudo.
2.1.3. Preparación de probas orais e escritas.
2.2. Actividades interactivas en grupo (45 horas):
2.2.1. Lectura de documentos.
2.2.2. Preparación de presentacións.
2.2.3. Busca información complementaria.
2.2.4. Reflexión en pequenos grupos.
2.3. Actividades en grupo ou individuais (19 horas):
2.3.1. Resolución de dúbidas.
2.3.2. Discusión de proxectos e traballo en pequeno grupo.
2.3.3. Actividades de autoavaliación.
TOTAL HORAS: 150.
Ter interese pola lingua e a cultura francesa ou francófona.
Mostrar disposición e interese cara outras linguas e sistemas culturais.
Responsabilidade ambiental
En relación co traballo persoal ou grupal realizado para o tema, débense ter en conta as seguintes indicacións:
- Evite tapas de plástico ou outros envoltorios externos innecesarios.
- Sempre que sexa posible, use grapas en lugar de engarzar
- Impresión en dobre revestimento
- Non use follas en branco como separadores de capítulos ou pezas.
- Evite anexos que non teñan referencia directa aos temas expostos
Perspectiva de xénero
Á vista dos criterios de igualdade de xénero no ámbito universitario, recoméndase empregar unha linguaxe non sexista tanto no traballo diario na aula como no traballo académico. A información sobre isto pódese atopar na seguinte ligazón: http://www.usc.es/export/sites/default/gl/servizos/oix/descargas/lingua… cado_WEB_USC.pdf
Obriga de usar a conta de correo electrónico de rai.
Obriga de utilizar ferramentas tecnolóxicas institucionais: Campus Virtual, Microsoft Office 365 e outras ferramentas proporcionadas polo profesorado e autorizadas como ferramentas institucionais pola universidade (Lifesize, etc.).
A Aula Virtual utilizarase como referencia de información relevante sobre o tema, para establecer comunicación co alumnado / profesorado e para solicitar ou recoller tarefas ou traballos propostos. Clase invertida.
Non se pode usar o teléfono móbil, agás cando se usa como instrumento de traballo seguindo as instrucións dadas polo profesor, sendo o alumnado o responsable das consecuencias legais e académicas que poidan derivarse do uso indebido do mesmo.
Ten en conta que o ensino-aprendizaxe (clases / titorías) é un proceso privado, entendido como privado como un proceso de comunicación e intercambio entre o profesor e os alumnos matriculados na materia.
Cumprimento obrigatorio da normativa de protección de datos
https://www.usc.gal/es/politica-privacidad-proteccion-datos
Sandra Rodriguez Nieto
Coordinador/a- Departamento
- Didácticas Aplicadas
- Área
- Didáctica da Lingua e a Literatura
- Correo electrónico
- sandrarodriguez.nieto [at] usc.es
- Categoría
- Profesor/a: Asociado/a de Universidade LOSU
| Martes | |||
|---|---|---|---|
| 17:30-19:00 | Grupo /CLIL_01 + Dobre Grao 3º | Francés | (CAMPUS NORTE) - AULA 22 |
| 22.05.2025 12:00-14:00 | Grupo /CLE_01 + Dobre Grao 3º | (CAMPUS NORTE) - AULA 03 |
| 03.07.2025 09:30-11:30 | Grupo /CLE_01 + Dobre Grao 3º | (CAMPUS NORTE) - AULA 32 |