Este curso ten como obxectivo ofrecer ferramentas aos profesionais sanitarios para prestar unha atención de calidade, baseada na evidencia actual e de acordo coas recomendacións da estratexia global de alimentación dos lactantes e nenos pequenos da OMS, permitindo identificar posibles problemas e afrontalos, mellorando as taxas de lactación, así como a calidade percibida polos usuarios.
Dirección: Nuria García Couceiro
Secretaría: Sandra Vidal Martínez
Lugar de celebración: Santiago de Compostela (Edificio Roberto Novoa Santos -aulario- Rúa Choupana, s/n, 15782, Santiago de Compostela)
Web propia
PROGRAMA
Día 11
9:00
Benvida e Inauguración do curso
09:30
LORENA TORRES LÓPEZ
Abordando a importancia da perspectiva histórica e epidemiolóxica da lactación materna: A concepción da lactación materna ao longo da historia. Taxas e actualización epidemiolóxica. Estratexias de protección da lactación materna e regulación internacional.
Profundando no coñecemento da anatomía e fisioloxía da lactación materna: Actualización do coñecemento da estrutura mamaria baseada na evidencia máis recente. Novos achados sobre o funcionamento da glándula mamaria. ¿Que implicacións teñen na práctica clínica as novas investigacións no campo da anatomía e fisioloxía da mama?
Afianzando as competencias no manexo básico da lactación materna: Técnicas de lactación materna. Recoñecemento dos signos de bo e mal agarre. Posicións de amamantamento: vantaxes e inconvenientes de cada unha delas.
13:00
NOELIA LÓPEZ (MEDELA)
Aproximándose á extracción de leite materno e a lactación materna en diferido: Técnicas de extracción de leite materno: indicacións, uso e manexo das distintas modalidades de extracción. Administración de leite materno mediante dispositivos: vantaxes e inconvenientes.
15:30
LORENA TORRES LÓPEZ
Coñecendo as principais afeccións do peito: Diagnóstico das afeccións mais comúns: ingurxitación, obstrución, mastite e gretas. Manexo e tratamento.
16:30
MARÍA VILOUTA RAMA
Descubrindo a anquiloglosia: Que é?, Como inflúe na lactación materna?, Como se trata?
18:30
MARÍA VILOUTA RAMA
Levando o coñecemento á práctica: Taller práctico: resolución de casos prácticos e presentación de situacións reais con afectacións no peito e anquiloglosia
Día 12
9:00
ALBA SÁNCHEZ ANSENDE
Perfilando á lactación materna en situacións especiais: Lactación materna en prematuros. Lactación materna en recen nados con patoloxías.
Ampliando o coñecemento sobre a extracción de leite materno e a lactación materna en diferido: Extracción prenatal de calostro: Cando se pode realizar? Bancos de leite: Que son? e Como funcionan?
Aprendendo sobre as posibles interaccións entre fármacos e lactación materna: Contraindicación para aleitar relacionadas coa administración materna de fármacos. Estratexias para a procura de evidencia sobre as contraindicacións farmacolóxicas
12:00
MARTA DAPENA GÓMEZ
Achegando a fisioterapia á lactación materna: O papel da fisioterapeuta no manexo da lactación materna