O mundo dos viños galegos. O enoturismo, unha oportunidade cultural e económica (5ª edición)

• Ciencias Sociais e Xurídicas

Este curso ten como obxectivo mostrar o enoturismo como unha ferramenta para preservar a cultura, impulsar a economía local e ofrecer experiencias auténticas. Analizaranse casos de éxito, destacando a fusión entre tradición e promoción de produtos autóctonos. Estudarase o valor das vides centenarias tanto a nivel agrícola como cultural, resaltando a súa importancia na identidade local. Tamén se explorará a singularidade dos viños elaborados con estas cepas e o seu impacto no turismo. Finalmente, abordarase a conservación destes recursos como clave para a sustentabilidade e a transmisión do legado ás futuras xeracións.