Visualización e análise de datos con R

• Ciencias e Enxeñarías

Os obxectivos que se formulan para este curso son, por unha parte, que as persoas asistentes coñezan as funcionalidades básicas de R como programa para o tratamento estatístico de datos e, por outra, que adquiran as habilidades necesarias para desenvolver análises estatísticas descritivas e inferenciais (estimación, contrastes e predicións). Tamén se darán a coñecer ferramentas de busca e axuda que permitan ás persoas participantes afondar nos métodos dispoñibles de xeito autónomo.