Localización
- Edificio de apoio á investigación (CACTUS)
- Rúa de Constantino Candeira, 1. Campus Vida , 15782Santiago de Compostela
- Teléfonos
- 881 816 242
Identificación de proteínas mediante os espectros de fragmentación dalgunhas das masas dos péptidos obtidos, usando o espectrómetro de masas Ultraflex III TOF/TOF (Bruker) e a súa correlación coas bases de datos existentes. A fragmentación dos péptidos pódese facer mediante a fragmentación LID (descomposición metaestable) ou CID “Collision-Induced Dissociation” (fragmentación de alta enerxía).
A partir de proteínas en solución ou en xel, realízase un proceso de redución e carbamidometilación continuado dunha dixestión encimática con tripsina (enzima que rompe especificamente polas lisinas e arxininas, se non van seguidas dunha prolina), para obter os seus péptidos.
O dixerido tríptico analízase pola técnica MALDI-TOF da que se obtén a relación m/z dos péptidos xerados na dixestión, e fragmentación dalgunhas das masas dos péptidos obtidos.
Estas masas experimentais serán comparadas coas masas teóricas existentes nas bases de datos e a súa correlación dará lugar a unha identificación, empregando un motor de busca (PEAKS, MASCOT).
Instrumentación: ULTRAFLEX III TOF/TOF (BRUKER).
Unidade de Espectrometría de Masas e Proteómica
- Edificio de Apoio á Investigación (CACTUS)
- Rúa de Constantino Candeira, 1. Campus Vida , 15782Santiago de Compostela
- 881 816 242