Salón de Graos
O ex presidente do Tribunal Constitucional, Francisco Pérez de los Cobos Orihuel, pronunciará a conferencia 'O recurso de amparo: luces e sombras'
A Facultade de Relacións Laborais celebrará o 25 de abril o Día do Traballo cunha conferencia do ex presidente do Tribunal Constitucional e catedrático de Dereito do Traballo e da Seguridade Social da Universidade Complutense, Francisco Pérez de los Cobos Orihuel, co título O recurso de amparo: luces e sombras.
O acto de celebración do día do centro comezará ás 12.00 horas no Salón de Graos coa presenza do reitor Antonio López e o decano da Facultade de Relacións Laborais, Jesús F. Salgado Velo.
Ademais da conferencia, nese acto farase entrega ao estudantado gañador dos premios Profesor Javier Marañón a quen represente mellor os valores sociais e académicos da Facultade e da profesión, o Elisabeth Suárez ao mellor expediente académico do curso 2023/24 e os Profesor Joaquín Vidal Portabales aos mellores Traballos Fin de Grao. Tamén se entregan os da II Edición dos Premios á Excelencia Académica do Profesorado.