A cargo da traballadora social especializada en saúde, sexualidade e xénero Sabela Salgueiro
A traballadora social especializada en saúde, sexualidade e xénero Sabela Salgueiro impartirá o martes 22 de abril a conferencia ‘Ciberviolencia sexual: ferramentas para a prevención’ organizada pola Comisión de Xénero e Igualdade do Instituto da Lingua Galega (ILG) da USC. Será ás 16:30 horas na sala de divulgación do Instituto.
A ciberviolencia sexual é unha forma de violencia que se desenvolve no ámbito dixital e reflicte desigualdades de xénero presentes na sociedade. Este relatorio ten como obxectivo achegar o público a unha comprensión clara deste fenómeno e proporcionar ferramentas prácticas para previr, identificar e responder a estas situacións, promovendo a construción de espazos dixitais máis seguros e igualitarios.
A entrada a este evento é aberta previa inscrición, e tamén poderá seguirse en directo a través da canle de Youtube do ILG, aínda que nese caso non se acreditará a asistencia.
