Presentación do libro 'Generalísimo. Las vidas de Francisco Franco, 1892-2020'

O profesor da Universidade Autónoma de Barcelona Javier Rodrigo presenta o luns 9 de decembro o seu libro Generalísimo. Las vidas de Francisco Franco, 1892-2020, editado en Galaxia Gutenberg nun acto organizado polo grupo de investigación Hispona da USC.

A presentación, tras a que haberá un coloquio coas persoas asistentes, contará ademais coa participación dos catedráticos de Historia Contemporánea da USC Xosé Manuel Núñez Seixas e Emilio Grandío Seoane. O acto será ás 13.00 horas na Aula 2 da Facultade de Xeografía e Historia.