O ciclo CineFilo terá a súa cuarta sesión deste curso coa proxección dun filme sorpresa este martes 5 de novembro no Auditorio da Facultade de Filoloxía, a partir das 17.00 horas. Desde a organización do ciclo propúxose unha serie de filmes de moi distintas características entre os cales a moderadora da sesión escollerá un número reducido deles, sendo ela a única que coñece todas as propostas. Será o público quen se encargue de elixir que filme se proxectará, pois terá a oportunidade de votar entre as opcións resultantes e a que teña máis apoio será a definitiva. Ademais, as votacións serán a cegas, pois non se saberán os títulos, senón que haberá unhas palabras chave nas que basearse para a escolla. Trátase dunha sesión diferente das habituais, na que a participación do público terá máis importancia ca nunca.
