Visita ao xacemento arqueolóxico de Corro dos Mouros

Os traballos de investigación e documentación do xacemento arqueolóxico de Corro dos Mouros, en Santa María Madalena de Adai (Lugo), continúan estas semanas de xullo coa terceira campaña que lidera, como as anteriores, a profesora titular da USC e membro do Grupo de Investigación EcoPast e do CISPAC, Mª Pilar Prieto Martínez. 

A profesora Prieto guiará unha visita a este xacemento o 17 de xullo ás 17.00 horas, para coñecer de primeira man os traballos que se realizan na escavación. Esta actividade é libre e partirá desde o Dolmen de Aldai.