Aberto o prazo de inscrición para un novo curso de Habilidades Sociais para o Emprego do Campus de Lugo

A Vicerreitoría de Coordinación do Campus de Lugo organiza para o vindeiro mes de abril un novo curso de Habilidades Sociais para o emprego, despois do éxito acadado pola anterior convocatoria realizada en decembro.
As clases que se celebrarán en quenda de mañá, de 9:30 a 14:30 horas na Sala de Xuntas da Escola Politécnica Superior, teñen por obxectivo optimizar a inserción dos participantes no mundo laboral. O curso, que se desenvolverá entre os días 11 e 18 de abril, está dirixido a todos os estudantes e titulados do Campus de Lugo, sendo a inscrición gratuíta e as prazas limitadas.
Os interesados deben dirixirse á Área de Inserción Laboral do Campus de Lugo no teléfono 982 285 900, extensións 23562, 23564 ou 23565, ou ben enviando un correo electrónico cos datos persoais a emprego [at] lugo.usc.es (emprego[at]lugo[dot]usc[dot]es).