O equipo da USC no Campionato de España Universitario de Judo obtivo dúas medallas de bronce
Os metais recaeron en Sabela Lage Rivera e Jose Iglesias Rodríguez
Sabela Lage Rivera e Jose Iglesias Rodríguez acadaron medalla de bronce nas categorías de -78 kg e -90 kg, respectivamente, do Campionato de España Universitario de Judo que se desenvolveu en Pozuelo de Alarcón o pasado 11 de abril.
Ademais, Fabiola Fernández García, na categoría de +78 kg, quedou en quinta posición. Completaron o equipo Marta Plaza Pedre, Carlos Infanzón Ocampo e Lucas Santamaría González. Na competición participaron un total de 247 deportistas.