A Escola de Relacións Laborais organiza unha mesa redonda sobre mutuas de accidentes de traballo

Dentro da programación da segunda edición do Curso de Especialización en Seguridade Social, que se está a impartir na Escola Universitaria de Relacións Laborais, celebrarase o xoves 22 unha mesa redonda co título ‘A intervención das mutuas de accidentes de traballo e enfermidade profesional en materia de incapacidade temporal e incapacidade permanente’.
Nesta sesión, que é aberta a todo o público, participarán como relatores Fernando Fernández Olmedo e Beatriz Martínez Vega, que son maxistrados do Xulgado do Social número 1 e número 2, respectivamente, de Lugo.
A mesa redonda celebrarase o xoves, ás 19:00 horas, no Salón de Actos da Escola de Relacións Laborais.