Historia da Arte e Farmacia celebran o sábado os seus actos de graduación

O alumnado dos graos de Historia da Arte e Farmacia que este curso remata os seus estudos celebran este sábado 6 os seus actos de graduación. O de Historia da Arte terá lugar ás 17.30 horas no Paraninfo da Universidade e nel participarán o vicerreitor de Oferta Docente e Innovación Educativa, Roberto López; o decano da facultade, Juan Monterroso; o profesor Federico López Silvestre como padriño da promoción; e os docentes Ángel Luis Hueso e David Chao. A primeira promoción de Farmacia celebrará o seu acto ás 18.00 horas no Palacio de Congresos e Exposicións de Galicia presidido pola vicerreitora de Investigación e Innovación, Isabel Rodríguez-Moldes. Intervirán o presidente do Colexio Oficial de Farmacia de Ourense en representación dos de Galicia, Vicente Jairo Álvarez Fernández; o padriño e a madriña da promoción, Carmen Álvarez Lorenzo e Francisco Otero Espinar; e os estudantes Lola Macía Rivas, Jesús Marcos Díaz, Francisco Anllo Rivera e Martín Bellas Gómez. Entregaranse ademais os diplomas aos Premios Extraordinario de Licenciatura do curso 2013-2014 a Tamara Gómez Dacoba e Noelia Fernández Bargiela e aos profesionais que ao longo de cinco quendas de prácticas tuteladas exerceron como titoras do alumnado.