Javier Bueno, novo director da Escola Politécnica Superior do Campus de Lugo

A Escola Politécnica Superior do Campus de Lugo elixiu este mércores, día 24, ao profesor, Javier Bueno Lema, como director do centro tras a celebración dunhas eleccións consensuadas ás que se presentaba como candidato único. Bueno, docente do Departamento de Enxeñaría Forestal acadou 71 votos a favor e 36 en branco.
O novo equipo de goberno estará formado, ademais por 3 subdirectores, o profesor de Ecoloxía e anterior director da Escola, Emilio Carral, o profesor de Expresión Gráfica Javier López e a profesora de Protección de Cultivos Begoña Martín. No equipo mantense a actual secretaria, a profesora de Bioloxía Animal Teresa Rodríguez.
Javier Bueno Lema, que fora nomeado no mes de xuño vicerreitor adxunto de Oferta e Xestión Académica, negociou co que era o actual director da EPS, Emilio Carral, a presentación dunha candidatura única.