Preséntase este sábado en Filosofía o libro If alive, do artista Manuel Saiz

O artista rioxano Manuel Saiz presenta este sábado 9 na Facultade de Filosofía o seu libro If alive (Por mí, por todos mis compañeros y por mí el primero), que recolle historias, anécdotas e implicacións dos trece anos que o autor leva traballando no proxecto If Alive, desde que, en 2003 e con 23 anos de antelación, comezou os preparativos da súa festa de 65 cumpreanos.

A presentación será ás 20.00 horas no salón de actos do centro e nela intervirán, ademais do propio artista, o profesor de Historia das Ideas Estéticas de Historia da Arte da USC Federico López Silvestre e a directora do Museo de Mataró, Ana Capella. Ao final do acto proxectarase o vídeo DOA, realizado expresamente para a exposición que se inaugurará na Galería Trinta o domingo 10 ás 12:00 horas ao tempo que se celebrará a súa festa de cumpreanos.

If alive e todos os eventos que del xorden supoñen un convite a pensar na morte, na permanencia do privado e do público, e a reflexionar sobre o futuro.