O profesor alemán Georg Schaub imparte un curso na ETSE sobre materia e enerxía na bioxeosfera

O profesor Georg Schaub, do Karlsruhe Institute of Technology (KIT) de Alemaña, imparte estes días na Escola Técnica Superior de Enxeñaría un curso dirixido fundamentalmente a alumnos de mestrado e doutoramento no que se discuten os factores que determinan os balances de materia e enerxía na bioxeosfera da terra. O curso impártese dentro da modalidade ‘Teaching mobility’ do acordo bilateral entre as dúas Universidades, financiado polo Programa Erasmus.