Rendemento académico de excelencia no estudantado de Humanidades da USC

As licenciadas Alba Díaz Geada, de Historia; Carme López Calderón, de Historia da Arte; Lucía Montenegro Pico, de Filoloxía Galega; e Rocío Chaquet Doval, de Filoloxía Francesa, as catro da área de Humanidades, viron esta semana recoñecido o seu esforzo coa concesión dun premio que as acredita como as mellores estudantes de todo o territorio español.
A Secretaría Xeral de Universidades do Ministerio de Educación acaba de publicar a resolución pola que adxudica os Premios Nacionais á Excelencia no Rendemento Académico do curso 2007-08.
Ademais deses catro primeiros premios, a Universidade de Santiago conta con outros licenciados e licenciados que tamén destacaron na súa titulación. Así, o licenciado en Economía Pablo Barros Matos logrou o segundo premio, mentres que Ricardo Couso Santamaría, de Física, Miguel Domínguez Vázquez, de Matemáticas, e Xosé Luis Hermoso Buxán, de Filoloxía Inglesa, acadaron os terceiros premios nas súas titulacións.
Por último, dous estudantes de Santiago e outros dous de Lugo conseguiron mencións especiais tamén en recoñecemento do seu rendemento. Trátase de Araceli Tobío Ageitos, de Veterinaria; Marta Pérez Abeledo, de farmacia; Zeltia Blanco Suárez, de Filoloxía Inglesa; e Ana Luisa Rodríguez García, de Humanidades.