A Sociedade Española de Ciencias e Técnicas Historiográficas celebra por primeira vez en Galicia o seu congreso anual

Cun centenar de inscritos chegados de diversas partes do mundo, o Paraninfo da Universidade acollerá o luns 15 e o martes 16 as XIII Xornadas da Sociedade Española de Ciencias e Técnicas Historiográficas, o congreso anual da Sociedade que por primeira vez ten lugar en Galicia e que nesta ocasión leva por lema ‘Escritura e sociedade: a nobreza’. O encontro científico, que se inaugurará o luns 15 ás 9.30 horas, consta de cinco relatorios a cargo de especialistas de universidades e centros documentais de España e de numerosas sesións de comunicacións nas que se exporán máis de 30 traballos de investigación. Coordinadas pola profesora da USC Ana Suárez González e co apoio de INCIPIT, as xornadas son actividade formativa dos programas de doutoramento da USC ‘Historia, Xeografía e Historia da Arte’, ‘Estudos Medievais’ e ‘ Estudos da Literatura e da Cultura’. A Sociedade Española de Ciencias e Técnicas Historiográficas agrupa a docentes universitarios españois e profesionais relacionados directamente coa conservación e custodia das fontes históricas hispánicas.