A USC celebra cun acto no Campus de Lugo a festividade de San Tomé de Aquino, patrón da Universidade
O acto será o luns, día 29, no Salón de Actos da Escola de Formación do Profesorado de EXB
O reitor da Universidade de Santiago, Senén Barro, preside o vindeiro luns, día 29, o acto académico organizado con motivo da festividade de San Tomé de Aquino, patrón da Universidade.
A xornada desenvolverase a partir das 12:00 horas no Salón de Actos da Escola Universitaria de Formación do Profesorado de EXB do Campus de Lugo. O programa previsto comezará coa lección maxistral que pronunciará a profesora Araceli Herrero Figueroa titulada ‘Lugo e Luis Pimentel’. O acto rematará co discurso que pronunciará o reitor compostelán.