Veterinaria celebra a vindeira semana as IV Xornadas de Orientación Laboral

O prazo de inscripción para as IV Xornadas de Orientación Laboral que se desenvolverán na Facultade de Veterinaria a vindeira semana permanece aberto estes días. O curso organizado pola propia facultade, o Colexio de Veterinarios de Pontevedra e a Vicerreitoría de Coordinación do Campus de Lugo, é de inscripción gratuíta e está recoñecido cun crédito de libre configuración.
As xornadas celebraránse o xoves 15, e os días 16 e 20 de marzo en quenda de tarde no Auditorio da Facultade de Veterinaria. Durante as clases os alumnos estudarán contidos xerais como o espazo europeo de educación superior, a mobilidade dos traballadores ou as ferramentas para a busca activa de emprego. Tamén traballarán aspectos propios da súa profesión como a organización colexial ou o emprego nas clínicas de animais de compañía, e cuestións prácticas como a entrevista de selección de persoal. Os interesados deben formalizar a inscrición na conserxería do propio centro.