Preestreo da película documental "Vidas irrenovables"

O vindeiro 31 de outubro, ás 11.00 horas, na Sala de Xuntas da Escola Politécnica Superior de Enxeñaría proxectarase como preestrea en Lugo o documental “Vidas irrenovables, naturaleza o miseria”.  Pasarana nos cinemas a partir do 17 de xaneiro, que se estrea en Madrid.

Contarase coa presenza do seu director, o extremeño Francisco J. Vaquero, o cal, cun anterior documental (“Ganado o Desierto”), conseguiu 7 nominacións aos Goya, o “Sol de Oro” no SUNCINE e máis de 20 seleccións en festivais por todo o mundo.

"Vidas lrrenovables" é unha película documental de 90 minutos de duración que nos fai reflexionar sobre se de verdade a transición ecolóxica (transición enerxética) que se está producindo en España é ecolóxica de verdade tal e como din as adminitracións públicas e os cinco principais grupos ecoloxistas do noso país.

Desde as institucións e principais medios de comunicación transmítesenos a idea do ben que se está facendo esta transición en España e do necesaria que son estas fontes de enerxías renovables. Necesarias son, pero ben non se está facendo e o peor de todo é que se podería ter feito ben, pero por algún motivo non se quere, tal e como se mostra na película. 

Algo que era unha oportunidade para a sociedade en xeral e para o mundo rural en particular, estase convertendo na maior ameaza que tiveron os nosos ecosistemas, o noso sector primario, as nosas vilas e en definitiva a sociedad española en xeral. 

A película pretende sensibilizar e concienciar as persoas que viven na contorna urbana para que apoien as que desde as pequenas vilas están loitando contra este colonialismo enerxético que está destrozando o noso país. 

A película mostra en todo momento a súa posición a favor destas enerxías, pero cunha correcta planificación. Non se pode salvar a natureza, destrozando a natureza.