Aula Profesional ECOADE
Compartindo oportunidades, novo ciclo en Económicas e Empresariais
Un ciclo de mesas redondas conectará na Facultade de Ciencias Económicas e Empresariais de Santiago a estudantes con profesionais saídos das súas aulas.
A iniciativa xurdiu a partir da celebración das vodas de prata da promoción 93-98 da licenciatura de Economía dun acordo entre a antigos alumnos e alumnas, a Facultade e a Asociación Alumni USC. Como froito dese acordo, xurdiu a idea de crear o Círculo de Economistas, que se encargará de devolver ás aulas parte do coñecemento adquirido nelas compartindo a experiencia dos profesionais saídos da facultade.
A cita será ao mediodía, os primeiros mércores de cada mes. No programa desta primeira edición, as persoas relatoras serán expertas en innovación, economía circular, banca, economía social, seguros e márketing.